ທຳມະດາໃນ Joomla! ຈະຮອງຮັບລະບົບ Multi-Author ກ່າວຄື ສາມາດກຳນົດໃຫ້ມີນັກຂຽນຫຼາຍ ໆ ຄົນໃນເວັບໄຊໄດ້ ເຊິ່ງມັນເປັນປະໂຫຍດຫຼາຍໃນກໍລະນີທີ່ສ້າງເວັບໄຊ ໂດຍທີ່ຕ້ອງການໃຫ້ມີຫຼາຍກວ່າ ໑ ຄົນສາມາດຂຽນເນື້ອຫາ ຫຼືບົດຄວາມພາຍໃນເວັບໄດ້ ໂດຍບໍ່ຕ້ອງຖ້າໃຫ້ເຈົ້າຂອງເວັບຂຽນເອງຄືດັ່ງເວັບໄຊທີ່ເຮັດໂດຍ HTML ແບບເກົ່າ.

ໃນເບື້ອງຕົ້ນຈະແນະນຳກ່ຽວກັບການກຳນົດໃຫ້ສະມາຊິກທີ່ສະມັກເຂົ້າມານັ້ນ ມີສະຖານະຫຍັງ ໃຫ້ໄປທີ່ໜ້າຈໍຫລັກຂອງ Administrator ກ່ອນ ແລ້ວໄປທີ່ຫົວຂໍ້ Global Configuration.

ໃນໜ້າຈໍນີ້ ຈະມີຕົວເລືອກໃຫ້ກຳນົດວ່າ ສະມາຊິກທີ່ສະມັກໃໝ່ນັ້ນ ຈະໄດ້ຢູ່ໃນສະຖານະໃດ ເຊິ່ງເລືອກໄດ້ຈາກຊ່ອງ New User Registration Type ໂດຍມີ ໔ ປະເພດຄື: Registered, Author, Editor ແລະ Publisher ຕາມລຳດັບ. ສຳລັບລາຍລະອຽດຂອງແຕ່ລະປະເພດນັ້ນຈະໄດ້ກ່າວໃນພາຍຫລັງ.

ຫຼັງຈາກປັບແຕ່ງຄ່າໃນ Global Configuration ແລ້ວ ກໍ່ໃຫ້ກັບໄປທີ່ໜ້າຈໍຫຼັກຂອງຜູ້ເບິ່ງແຍງລະບົບ ແລ້ວໄປທີ່ຫົວຂໍ້ User Manager.

ໃນໜ້າ User Manager ນີ້ ຈະສະແດງລາຍຊື່ຂອງສະມາຊິກທັງໝົດພາຍໃນເວັບໄຊ ແລະເຮົາສາມາດລຶບ, ແກ້ໄຂ ຫຼືສ້າງ User ໄດ້ຜ່ານໜ້ານີ້ເຊັ່ນດຽວກັນ.

ສະຖານະຂອງສະມາຊິກ ຫຼື User ຈະແບ່ງອອກເປັນ ໒ ແບບຄື

1. Public Front-end
2. Public Back-end

ແບບທີ່ ໑ ຄື Public Front-end ນັ້ນ ເປັນກຸ່ມສະມາຊິກໜ້າເວັບ ຈະສາມາດເບິ່ງໜ້າເວັບໄດ້ ກຸ່ມນີ້ຈະມີກຸ່ມຍ່ອຍຄື:

Public Front-end
| ---- Registered
| -------- Author
| ------------- Editor
| ------------------- Publisher

• Registered - ສາມາດໃຊ້ງານເວັບໄຊໄດ້ຕາມປົກກະຕິ ແລະສາມາດເຂົ້າເຖິງສ່ວນທີ່ລະບຸໃຫ້ເຂົ້າໄດ້ສະເພາະສະມາຊິກທີ່ມີສະຖານນະ “Registered”.
• Author - ສາມາດຂຽນເນື້ອຫາ ຫຼືບົດຄວາມໃນເວັບໄຊໄດ້ ແຕ່ຈະບໍ່ຂຶ້ນສະແດງໃນໜ້າເວັບທັນທີ ຕ້ອງຖ້າໃຫ້ຜູ້ໃຊ້ທີ່ມີສິດທິສູງກວ່າມາອະນຸມັດໃຫ້ກ່ອນ.
• Editor - ສາມາດຂຽນເນື້ອຫາ ຫຼືບົດຄວາມໄດ້ ພ້ອມທັງແກ້ໄຂໄດ້ພ້ອມ ແຕ່ບໍ່ສາມາດເຜີຍແຜ່ໃຫ້ສະແດງໃນໜ້າເວັບໄດ້ທັນທີ ຕ້ອງຖ້າໃຫ້ຜູ້ທີ່ມີສິດທິສູງກວ່າມີອະນຸມັດໃຫ້ກ່ອນ.
• Publisher - ສາມາດຂຽນເນື້ອຫາ ຫຼືບົດຄວາມໄດ້ ພ້ອມທັງແກ້ໄຂໄດ້ພ້ອມ ແລະສາມາດທີ່ຈະເຜີຍແຜ່ ຄືສະແດງບົດຄວາມ ເນື້ອຫາຕ່າງ ໆ ໃນໜ້າເວັບໄດ້.

ແບບທີ່ ໒ ຄື Public Back-end ເປັນກຸ່ມສະມາຊິກທີ່ສາມາດເຂົ້າໃຊ້ໄດ້ທັງໜ້າເວັບ ແລະທັງໃນສ່ວນຂອງ Administrator ຫຼືຜູ້ເບິ່ງແຍງລະບົບ.

Public Back-end
| ------- Manager
| ------------- Administrator
| ------------------- Super Administrator

• Manager - ກຸ່ມນີ້ຈະສາມາດສ້າງເນື້ອຫາ, ແກ້ໄຂ ແລະເຜີຍແຜ່ເນື້ອຫາໃນເວັບໄຊໄດ້.
• Administrator - ກຸ່ມນີ້ຈະສາມາດເຂົ້າເຖິງສ່ວນຕ່າງ ໆ ຂອງລະບົບໄດ້ເກືອບທັງຫມົດ ຮວມທັງການຕັ້ງຄ່າບາງສ່ວນນຳ.
• Super Administrator -ເປັນກຸ່ມສະມາຊິກທີ່ມີອຳນາດສູງສຸດ ເປັນຜູ້ເບິ່ງແຍງເວັບໄຊໂດຍກົງ ສາມາດເຮັດໄດ້ທຸກຢ່າງ.